Душанбе. 4-уми сентябр. ОИ «Азия-Плюс» – Имрӯз дар Тоҷикистон ҷашни Рӯзи китоб таҷлил мегардад. Ҷашни мазкур бо ташаббус ва пешниҳоди сарвари давлат Эмомалӣ Раҳмон таъсис ёфтааст.
Мудири Китобхонаи миллии ба номи Фирдавсӣ Шариф Тошев ба ОИ «Азия-Плюс» изҳор дошт, ки дар доираи баргузории чорабинии идона вохӯрии роҳбарияти китобхона бо алоқамандони китоб доир мегардад.
Дар мулоқот олимон, рӯзноманигорон, донишҷӯён, кормандони китобхонаҳои пойтахт ширкат варзида, дар мавзӯи таърихи китоб ва китобхонадорӣ конфронс баргузор мешавад.
Ба қавли Ш.Тошев, дар толори китобхона намоишгоҳи китобҳои адабиёти классикии тоҷик ва хориҷӣ ташкил карда шудааст.
