Душанбе. 30-уми сентябр. ОИ «Азия-Плюс» – Пагоҳ, соати 8-и субҳ дар масоҷиди ҷумҳурӣ ба муносибати Иди Фитр намози ид баргузор мешавад.
Аз Шӯрои уламои Тоҷикистон ба ОИ «Азия-Плюс» хабар доданд, ки чунин қарор дар ҷаласаи шӯро, ки ба муносибати Иди Рамазон доир гашт, қабул карда шуд.
Бино ба иттилои мнбаъ, дар ҷаласаи шӯро ҳамзамон масъалаи таҷлили ҷашни 1310-умин солгарди асосгузори мазҳаби ҳанафия дар ислом Имоми Аъзам дар соли 2009 низ мавриди баррасӣ қарор гирифт.
Зикр гардид, ки тибқи қарори Шӯрои уламои Тоҷикистон аз 18-уми сентябри соли ҷорӣ, бояд дар намози ҷумъа дар масҷидҳо оид ба ҳаёту фаъолияти Имоми Аъзам маъвизаҳо қироат карда шаванд.
