Душанбе. 27-уми ноябр. ОИ «Азия-Плюс» – Вазири мудофиаи Ҷумҳурии Тоҷикистон – Шералӣ Хайруллоев барои иштирок дар ҷаласаи навбатии Шӯрои вазирони дифоъи Созмони аҳдномаи амнияти дастаҷамъӣ субҳи имрӯз ба шаҳри Ереван – пойтахти
Ҷумҳурии Арманистон сафар кард.
Чӣ тавре ки ба ОИ «Азия-Плюс» аз вазорати мудофиаи кишвар хабар доданд, ҷаласаи Шӯрои вазирони дифоъ пагоҳ шурӯъ гардида, дар он, аз ҷумла масъалаи такмили механизмҳои бунёди эътилофи низомии Созмони аҳдномаи амнияти дастаҷамъӣ ва нерӯҳои дастаҷамъии зудамали минтақаи Осиёи Марказӣ баррасӣ хоҳад шуд.
