Душанбе. 16-уми март. ОИ «Азия-Плюс» – Ахири ҳафтаи гузашта дар мулоқоти раиси Палатаи савдо ва саноати Тоҷикистон Шариф Саид бо ҳайати Туркия таҳти сарварии менеҷери кулли ширкати «
TELASAN
» Рефиқ Карас масъалаи роҳандозии ҳамкории минбаъда ва таъсиси корхонаҳои муштараки бофандагӣ мавриди баррасӣ қарор гирифт.
Ш.Саид ба ҳайати Туркия пешниҳод сохт, ки дар заминаи ҶСК «Текстил» ва дигар муассисоти ба бахши саноати бофандагӣ марбут корхоанҳои муштарак таъсис диҳанд.
Дар фарҷоми мулоқот роҳбари ҳайати Туркия аз ҳамтоёни тоҷики худ даъват ба амал овард, ки дар намоишгоҳи маҳсулоти саноатӣ, ки моҳи июни соли ҷорӣ дар шаҳри Истанбули ин кишвар доир мегардад, ширкат варзанд.
