Душанбе. 2-юми май. ОИ «Азия-Плюс» – Рӯзҳои 4-5-уми май дар шаҳри Минск ҷаласаи гурӯҳи корӣ оид ба таҳияи лоиҳаи Консепсияи сафарбарсозии муташаккили муҳоҷирони меҳнатӣ дар қаламрави кишварҳои узви иттиҳод баргузор мешавад.
Тибқи иттилои хадамоти матбуоти Кумитаи иҷроияи ИДМ, лоиҳаи таҳиягардида баҳри танзими масоили марбут ба раванди муҳоҷирати меҳнатӣ равона гардида, дар он усулу тарзҳои кори идораи низмои ин раванд дарҷ ёфтаанд. «Дар лоиҳа механизми сафарбарсозии муташаккили муҳоҷирони меҳнатӣ, вазифаҳои корфармову коргари кироя ва дигар паҳлӯҳои марбут ба раванди муҳоҷират дақиқан муқаррар карда шудааст», – изҳор доштанд дар хадамоти матбуот.
