Кӯлоб. 14-уми май. ОИ «Азия-Плюс» – Аз оғози сол ба минтақаи Кӯлоб тавассути шӯъбаҳои «Тоҷпромбонк» 412 ҳазору 638 доллари ИМА, 6 млн. 344 ҳазору 665 рубли русӣ ва 3 ҳазору 700 Евро маблағи пулӣ ворид гардид.
Чӣ тавре ки мудири шӯъбаи «Тоҷпромбонк» дар минтақаи Кӯлоб Ёқубҷон Собуров ба ОИ «Азия-Плюс» хабар дод, дар зарфи чаҳор моҳ ҳаҷми умумии интиқоли маблағҳо ба андозаи 90 дарсад коҳиш ёфтааст.
Номбурда мегӯяд, ки натанҳо ҳаҷми маблағи воридгардида, балки интиқоли маблағ ба хориҷи кишвар низ коҳиш ёфтааст. «Мизоҷони асосии мо – афсарону сарбозони пойгоҳи низомии Русия дар зарфи чаҳор моҳи соли ҷорӣ ба наздикону хешовандони худ 1 млн. 257 ҳазору 628 ҳазор рубли русӣ маблағ фиристоданд, ки дар муқоиса бо давраи пеш аз бӯҳрони молӣ ба таври қобили мулоҳиза камтар аст», – афзуд ӯ.
