Душанбе. 21-уми май. ОИ «Азия-Плюс» – Олмон ба аҳолии аз селоб осебдидаи ноҳияи Хуросон 125 ҳазор сомонӣ кӯмак ҷудо кард.
Чӣ тавре ки ба ОИ «Азия-Плюс» аз Ҷамъияти ҳамкории техникии Олмон иттилоъ доданд, маблағи ҷудогардида илова ба маблағест, ки дар Изҳороти Федератсияи байнулмилалии Салиби Сурх ва Кумитаи байнулмилалии Ҳилоли Аҳмар ишора гардида буд ва он аллакай ба суратҳисоби Кумитаи байнулмилалии Ҳилоли Аҳмар дар Тоҷикистон гузаронида шудааст.
«Маблағи мазкур барои таъмини осебдидагон бо маводи ниёзи аввалия масраф хоҳад шуд», – гуфт манбаъ.
