Душанбе. 12-уми июн. ОИ «Азия-Плюс» – Ҳудуди як моҳ қабл мақомоти шаҳрдории пойтахт оид ба таҳияи Нақшаи генералии шаҳри Душанбе тендери байнулмилалии кушода эълом кард ва ҶСК «Гипрогор»-и шаҳри Маскав ғолиби он эътироф гардид.
Чӣ тавре ки ба ОИ «Азия-Плюс» сухангӯи раиси шаҳри Душанбе Шавкат Саидов иттилоъ дод, имрӯз аз ҷониби раиси пойтахт дар ин хусус қарор ба имзо расид. «Барои таҳияи Нақшаи генералии пойтахт аз ҷониби ҶСК «Гипрогор» аз буҷаи шаҳр 415 ҳазор доллари ИМА ҷудо карда мешавад», – афзуд Ш.Саидов.
