Хоруғ. 20-уми июн. ОИ «Азия-Плюс» – Дар чаҳорчӯбаи барномаи идрорпулӣ хатмкардагони лаёқатманди макотиби олии минтақаи Осиёи Марказӣ имкони таҳсил дар Донишгоҳи Кембриҷро пайдо карданд.
Чӣ тавре ки ба ОИ «Азия-Плюс» аз Донишгоҳи Осиёи Марказӣ иттилоъ доданд, барномаи идрорпулӣ аз ҷониби Донишгоҳи Осиёи Марказӣ дар ҳамдастӣ бо Хазинаи рушди байнулмилалии Донишгоҳи Кембриҷ маблағгузорӣ карда мешавад.
Бино ба иттилои манбаъ, муофиқи барнома, ҳар сол ду нафар донишҷӯ интихоб гардида, онҳо таҳсили худро дар Донишгоҳи Кембриҷ идома медиҳанд.Х атмкардагон аз рӯи ин барнома асоси ҳайати омӯзгориву профессории Донишгоҳи Осиёи Марказиро ташкил хоҳанд дод, зеро барномаи Кмбриҷ қисми барномаи доктории ДОМ оид ба омодасозии ҳайати омӯзгориву профессории оянда аз ҳисоби шаҳрвандони минтақаи Осиёи Марказӣ аст. Мӯҳлати таҳсил тибқи барнома чаҳор солро дар бар мегирад.
