Душанбе. 1-уми июл. ОИ «Азия-Плюс» – Дар маҷлиси умумӣ кормандони Палатаи савдо ва саноати ҶТ қарор доданд, ки нисфи музди меҳнати худро ба сокинони аз офати табиӣ осебдидаи ҷамоати Айнии ноҳияи Хуросон мефиристанд.
Чӣ тавре ки ба ОИ «Азия-Плюс» аз палатаи мазкур иттилоъ доданд, ғайр аз ин, ПСС ҶТ барои як оилаи серфарзанд хонаи чаҳорутоқа бунёд месозад. «Сохтмони хонаи мазкур аввали моҳи июни соли ҷорӣ шурӯъ шуда, корҳои бардоштани девори хона ба анҷом расид ва айни замон боми хонаро мепӯшонанд», – гуфтанд дар палата.
