Душанбе. 23-юми июл. ОИ «Азия-Плюс» – Барои шаҳрвандони қирғизи муқими ҷумҳурӣ дар назди сафорати Қирғизистон дар ҶТ қитъаи овоздиҳӣ ифтитоҳ гардидааст. Таври маълум, имрӯз дар Қирғизистон маъракаи интихоботи президенти кишвар доир мегардад.
Чӣ тавре ки ба ОИ «Азия-Плюс» раиси комиссияи интихоботии ин қитъаи овоздиҳӣ Урмат Саралиев иттилоъ дод, қитъаи овоздиҳӣ аз соати 8-и субҳ ба фаъолият шурӯъ карда, соати 20-и шом корашро ба анҷом мерасонад. «Овоздиҳӣ фаъолона сурат дошта, соати 20-и шом пас аз анҷоми расмии овоздиҳӣ, мо қуттиҳоро кушода, аллакай соати 21 ният дорем, ки аз
натиҷаҳои овоздиҳӣ ба Бишкек хабар диҳем», – гуфт ӯ.
Ба гуфтаи мавсуф, дар қайди консулгарӣ дар Тоҷикистон 31 нафар шаҳрвандони Қирғизистон сабт шудаанд.
