Шоми дирӯз соати 21:24 ба вақти маҳаллӣ дар қаламрави Тоҷикистон заминларза ба қайд гирифта шуд.
Тавре ба ОИ «Азия-Плюс» аз Хадамоти геофизикии Академияи улуми ҷумҳурӣ хабар доданд, маркази заминларза дар 73 километрии ҷанубу шарқии шаҳри Душанбе воқеъ будааст.
Бино ба маълумоти пешакӣ, қувваи заминларза дар марказ 4 баллро ташкил додааст. Дар шаҳри Душанбе қувваи заминларза ба 3 балл баробар буд. Дар бораи харобиҳо ва талафоти ҷонӣ маълумоте нарасидааст.
