Б
ақияи амонатҳо дар интиҳои моҳи сентябри соли ҷорӣ 4,06 млрд. сомонӣ (беш аз 845 млн. доллари ИМА)-ро ташкил дод, аз ҷумла, 1,44 млрд. сомониаш бо пули миллӣ ва 2,62 млрд. сомонии дигараш бо асъори хориҷӣ мебошад.
Тавре аз хадамоти матбуоти Бонки миллии Тоҷикистон хабар доданд, дар таркиби бақияи ҳаҷми амонатҳо 49,2 фоиз (2,0 млрд. сомонӣ) ба шахсони ҳуқуқӣ ва 50,8 фоиз (2,1 млрд. сомонӣ)-и боқимондааш ба шахсони воқеӣ мансуб аст.
Ба иттилои манбаъ, фоизи миёнавазни амонатҳо дар нӯҳ моҳи соли равон бо пули миллӣ 15,75 фоиз ва амонатҳо бо асъори хориҷӣ 14,75 фоизи солонаро ташкил дод.
