Муҳаққиқи ҷавони тоҷик Александр Содиқов, ки як моҳ қабл дар шаҳри Хоруғ ба гумони ҷосусӣ боздошт шуда буд, бо забонхати тарк накардани маҳалли зист аз тавқифгоҳи муваққатӣ (СИЗО)-и КДАМ Тоҷикистон озод карда шуд. Айни замон ӯ ҳамроҳи ҳамсар ва духтарчааш дар манзили зисташ қарор дорад.
Александр Содиқов тариқи телефон ба «Азия-Плюс» хабар дод, ки шоми 22-юми июл аз тавқифгоҳ озод карда шудааст. Тафтиш аз рӯи парвандаи ӯ то ҳол идома дорад. Номбурда изҳори умедворӣ намуд, ки дар фурсати наздиктарин мақомоти ҳифзи ҳуқуқ тамоми ҳолатҳои қазияи мазкурро мушахаас хоҳанд кард.
