Дар вилояти мухтори Синтзян-Уйғури Чин бар асари як ҳамла 13 нафар кушта шуданд.
BBC News
менависад, ин ҳодиса дар шаҳри Ярканти наздик бо марзи Тоҷикистон рух додааст. Ҳамаи шаҳрвандони ҳалокшудаи Чин аз қавми хонҳо мебошанд, ки гурӯҳи асосии этникӣ дар Чин маҳсуб меёбанд.
Нисбат ба мудофиаи кишвар ба мубориза бо душманони дохилӣ Чин бештар маблағ масраф месозад. Ҷузъиёти ҳодисаи ин ҳамла то ҳол норӯшан аст. Васоити ахбори оммаи Чин дар бораи ин ҳодиса маълумот намедиҳанд. Шояд ин ба он хотир бошад, ки ба бештар ноамн шудани вазъ роҳ дода нашавад.
Дар ҳамин ҳол, бино ба маълумоти
NEWSRU.com
, намояндагони ниҳодҳои интизомии маҳаллӣ дар робита ба ин ҳодиса изҳор намудаанд, ки афроди номаълуми мусаллаҳ бо кордҳо ба минтақаи пулис ва муассисаҳои давлатӣ дар яке аз маҳаллаҳои аҳолинишни музофоти Шаче ҳамла овардаанд.
