Дар ҷаласаи навбатии Маҷлиси намояндагони Маҷлиси Олии ҶТ даъвати панҷум дар бораи сабти фраксияҳои Ҳизби халқии демократии Тоҷикистон (ҲХДТ) ва Ҳизби аграрии Тоҷикистон (ҲАТ) дар палатаи поёнии парлумони ҷумҳурӣ қарори дахлдор қабул шуд.
Бино ба иттилои хадамоти матбуоти палатаи поёнии парлумон, раиси фраксияи ҲХДТ Бахтовар Сафаров ва ҲАТ Толиббек Бухориев интихоб шуданд.
Қобили зикр аст, ки дар фраксияҳои парлумон вакилон ҳам аз ҳавзаи ягонаи умумиҷумҳуриявӣ ва ҳам аз ҳавзаҳои якмандатӣ муттаҳид шуда метавонанд.
Фраксия ё гурӯҳҳои вакилон мақомоти Маҷлиси намояндагон набуда, вакилон озодона ба ҳамроҳшавӣ ё тарки онҳо ҳуқуқ доранд.
