Аз рӯи натиҷаҳои иҷлосияи имрӯзаи Шӯрои амнияти дастаҷамъии СААД дар Душанбе як қатор санадҳо ба имзо расиданд.
Зимни конфронси матбуотӣ аз рӯи натиҷаҳои иҷлосия президенти Арманистон Серж Саргсян иттилоъ дод, ки аз ҷумла Созишнома дар бахши ҳамлу нақли ҷузъу томҳои ҳарбӣ ва дигар воҳидҳо, амволи манқули онҳо ва ҳамчунин маҳсулоти таъиноти низомӣ ба тасвиб расидааст.
Ғайр аз ин, Пртокол дар бораи тамдиди муҳлати амали Созишнома дар бораи таъсиси низоми ягонаи пӯшиши техникии роҳҳои оҳан ба имзо расидааст.
Ҳамчунин Қарори Шӯрои амнияти дастаҷамъӣ дар бораи такмили фаъолияти Шӯрои ҳамоҳангсоз оид ба ҳолатҳои фавқулода ва Котиботи СААД низ ба имзо расида, буҷети созмон барои соли оянда маъқул шуморида шудааст.
Қобили зикр аст, ки акнун раёсат дар СААД аз Тоҷикистон ба Арманистон мегузарад.
