Мутахассис оид ба Осиёи Марказӣ, коршиноси Маркази омӯзиши Афғонистони муосир дар Маскав Андрей Серенко бар ин назар аст, ки поксозии сиёсатмадорну фаъолони ҲНИТ ва ҳатто адвокатҳое, ки ба ин ҳизби фаъолияташ мамнӯъ муносибат доранд, ба ҳамроҳшавии Тоҷикистон ба Иттиҳоди иқтисодии АвруОсиё (ИИАО) марбут аст.
«Дар робита ба ҳодисаҳои атрофи ҲНИТ ман андешаи оддӣ дорам. Чунин фикр мекунам, ки поксозии он ба ҳамроҳшавии қарибулвуқӯъи Тоҷикистон ба ИИАО вобаста аст. Шояд ин ҳатто шарти чунин пайвастан ҳам набошад. Возеҳ аст, ки дар паҳнои ҳамгиройӣ Ҳизби исломӣ барои Маскаву Остона лозим нест. Аз ин рӯ, Русия ба фарёдҳои Кабирӣ дар бораи кумак беэътиноӣ кард. Аз саҳнаи сиёсӣ дур кардани ин ҳизб яқинан лоиҳаи умумии Душанбеву Маскав ва Остона аст», – гуфтааст А.Серенок дар мусоҳиба ба хабаргузории
ИА «Фергана»
.
Ба эҳтимоли ӯ, раҳбарияти Тоҷикистон аз узвият ба ИИАО «хушнуд нест». «Барои Путин гуфтушунид бо ҳокимони заъиф осонтар буда, исломе, ки таҳти назорати онҳо қарор надорад, тамоман лозим нест. «Исломи идорашаванда» гапи дигар аст. Масалан, роҳбари Чеченистон Рамзан Қодиров», – иброз доштааст ӯ.
Ба андешаи коршинос, бидуни дастгирии Маскав, сохти сиёсии имрӯз амалкунанда дар Тоҷикистон «як моҳ ҳам ҳукмронӣ карда наметавонад».
