Дар гурӯҳи дастаҳои сарҳадбонии Ҳамадонӣ ва Шӯроободи Сарраёсати Қушӯнҳои сарҳадии КДАМ Тоҷикистон, ки бо Афғонистон ҳаммарзанд, маросими мавриди истифода қарор гирифтани биноҳои нав барои иқомати сарбозону афсарон баргузор шуд.
Котиби матбуотии Сарраёсати Қушӯнҳои сарҳадии КДАМ Тоҷикистон Муҳаммад Улуғхоҷаев ба «Азия-Плюс» дар ин робита иттилоъ дод, кидар қаламрави гурӯҳи дастаи сарҳадбонии Ҳамадонӣ ҳамчунин барои посбонгоҳҳо (заставаҳо)-и марзии навтаъсиси Кокул ва Темурмалик биноҳои нав ба истифода дода шудаанд, ки бо таҷҳизоти муосир ва ҳамаи шароити будубошу хизмат барои сарҳадбонон таъминанд.
Зимни суханронӣ дар ин маросим раиси КДАМ Тоҷикистон генерал-лейтенант Саймӯмин Ятимов аз афсарону сарозон даъват ба амал овард, ки содиқона ба Ватан хизмат карда, суботу амнияти онро муҳофиазт намоянд.
Қобили зикр аст, ки ҳамаи иншооти нави зикршуда дар сарҳад бо маблағгузории ҳукумати ҷумҳурӣ сохта шудаанд.
