Кумитаи Байналмилалии Салиби Сурх (КБСС) дар ҳамкорӣ бо Вазорати тандурустӣ ва ҳифзи иҷтимоии аҳолии Тоҷикистон як давраи омӯзишии муштарак барои пизишкони кумакҳои фаврӣ дар ҳолати чароҳатҳои васеъ баргузор мекунад. Давраи омӯзишӣ аз 30 март то 1 апрели соли 2016 дар шаҳри Кӯлоб доир мегардад.
Омӯзиши иқдомоти таъчилии тиббӣ дар ҳолати ҷароҳатҳои васеъ барои 20 пизишки бахши фавриятӣ аз вазорату шуъбаҳо баргузор мегардад.
Николоз Садрадзе, намояндаи бахши беҳдошт ва дармони КБСС мегӯяд: «Омӯзиш дар асоси принсипҳои эътирофшудаи байналмилалӣ оид ба ташхис ва табобати фаврии одамон дар натиҷаи захмҳои вазнин дар давраи низомӣ ва шаҳрвандӣ сурат мегирад».
Омӯзандагони сатҳи ҷаҳонӣ аз КБСС, ки дар арсаи ироаи кумакҳои аввалия тахассус доранд, дар бораи меъёрҳои равишҳои ташхис ва дармон барои беморон машғулиятҳо доир мекунанд.
Ҳадаф аз ин омӯзиш коҳиши маргу мир бар асари як осеби умда аст. То ба имрӯз 94 нафар табибони чумҳурӣ қобилияти худро оид ба кумакҳои фаврӣ дар ҳолати ҷароҳатҳои васеъ ба воситаи омӯзишҳои амалишудаи КБСС аз соли 2014 такмил додаанд.
Баргузории ин омӯзиш бо мусоидати созмонии фаъоли Вазорати тандурустӣ ва ҳифзи иҷтимоии аҳолии ҶТ имконпазир шуд.
