Ҳукумати Тоҷикистон тағйироту илова ба қонуни ҷумҳурӣ «Дар бораи рӯзҳои ид»-ро таҳия ва ҷиҳати баррасӣ ба палатаи поёнии парлумон ирсол намуд.
Тавре ба «Азия-Плюс» як манбаъ аз ҳукумати ҷумҳурӣ дар ин робита иттилоъ дод, мутобиқи тағйироту илова, дар ҷумҳурӣ эълони иди нав – Рӯзи дипломат ва ҷашнгирии он ҳамасола санаи 29 сентябр пешниҳод шудааст.
Зимнан зикр гардид, ки дар сурати қабули пешниҳод, иди касбии дипломатҳои тоҷик бидуни рӯзи истироҳат ҷашн гирифта хоҳад шуд.
