Ахири ҳафтаи сипаришуда сарбозони Қушӯнҳои сарҳадии КДАМ дар ҳамдастӣ бо кормандони Раёсати ВКД ҶТ дар вилояти Хатлон аз кӯшиши навбатии убури ғайриқонунии марзи давлатӣ аз ҷониби Афғонистон ҷилавгирӣ намуданд.
Тавре котиби матбуотии Сарраёсати Қушӯнҳои сарҳадии КДАМ ҶТ Муҳаммад Улуғхоҷаев хабар дод, дар қаламрави дибонгоҳи сарҳадии Панҷ миёни гурӯҳи қочоқбарони афғон ва марзбонони тоҷик задухӯрди мусаллаҳона сурат гирифта, дар натиҷа як қочоқбари афғон захмӣ ва дар ҷойи ҳодиса беш аз 10 кило маводи мухаддири навъи афюн дарёфт ва мусодира шудааст.
Зимнан зикр гардид, ки аз рӯи ин далел парвандаи ҷиноӣ боз шуда, тафтишот дар ин самт идома дорад.
