Рӯзи шанбеи ҳафтаи гузашта, тахминан соати 19:00-дақиқа, ронандаи автомашинаи тамғаи “Опел-Вектра”, марди 29-солаи сокини ноҳияи Зафаробод ҳангоми ҳаракат бо роҳи нақлиётгарди “Истаравшан-Зафаробод”, дар ҳудуди ҷамоати деҳоти Зарҳалол, бехатарии ҳаракат дар роҳро таъмин карда натавониста, марди 65-солаи сокини ноҳияи мазкурро пахш намудааст.
Дар натиҷаи рух додани чунин садамаи нохуши нақлиётӣ, пиёдагард бо бардоштани ҷароҳатҳои вазнини ҷисмонӣ дар беморхона ба ҳалокат расидааст.
Ҳамчунин дар ин рӯз, тахминан соати 07:30-дақиқа, ронандаи автомашинаи тамғаи “Опел-Астра” марди 31-солаи сокини ноҳияи Қубодиён, ҳангоми ҳаракат бо роҳи нақлиётгарди “Душанбе-Шаҳритус”, дар километри 118-уми ҳудуди ҷамоати деҳоти Қизил-Қалъаи ноҳияи Хуросон, аз уҳдаи идораи воситаи нақлиёт набаромада, автомашинаро дар канори роҳ чаппа кардааст.
Дар ин ҳодисаи нохуши нақлиётӣ мутаассифона, мусофири автомашина марди 44-солаи сокини ноҳияи Қубодиён, бо бардоштани ҷароҳатҳои вазнини ҷисмонӣ ба ҳалокат расида, ронандаи автомашинаи мазкур дар беморхона бистарӣ гардидааст.
Рӯзи якшанбе бошад, тахминан соати 19:30-дақиқа, ронандаи автомашинаи тамғаи “Опел-Астра” марди 39-солаи сокини шаҳри Истаравшан, ҳангоми ҳаракат бо кӯчаи Деҳотии шаҳри мазкур, писарбачаи 11-солаи сокини Истаравшанро пахш намудааст.
Дар натиҷа, пиёдагард ҷароҳатҳои вазнини ҷисмонӣ бардошта, ба ҳалокат расидааст.
Ҳамчунин дар ин рӯз, тахминан соати 18:30-дақиқа, ронандаи автомашинаи тамғаи “Нексия” марди 37-солаи сокини шаҳри Конибодом, ҳангоми ҳаракат дар гардиши роҳи “Маданият-Айнӣ-Бобокалонов” марди 76-солаи сокини ҳамин шаҳрро пахш намудааст. Дар ин ҳодисаи нохуш пиёдагард ҷароҳатҳои вазнини ҷисмонӣ бардошта, дар беморхона ба ҳалокат расидааст.
Санаи 23 октябр, тахминан соати 17:00-дақиқа, ронандаи автомашинаи тамғаи “КАМАЗ” марди 34-солаи сокини ноҳияи Рӯдакӣ, ҳангоми ҳаракат бо кӯчаи Соҳилӣ аз тарафи кӯчаи Абай ба самти кӯчаи Деҳотии шаҳри Душанбе, аз уҳдаи идораи воситаи нақлиёт набаромада, ба дучархаи тамғаи “Скутер” таҳти идораи ҷавони 18-солаи сокини шаҳри Душанбе бархӯрдааст.
Дар ин бархурд, ронандаи дучарха ҷароҳатҳои вазнини ҷисмонӣ бардошта, дар беморхона ба ҳалокат расидааст.
Ғайр аз ин, ҳамин рӯз, тахминан соати 18:00-дақиқа, ронандаи автомашинаи тамғаи “Урал” марди 34-солаи сокини ноҳияи Кӯҳистони Мастчоҳ, ҳангоми ҳаракат дар роҳи нақлиётгарди “Ланлиф-Худгифи боло” дар мавзеи чашмаи “Муллоҳусейн”-и ҳамин ноҳия, ногаҳон аз баландии кӯҳ сангпораҳо фаромада, ба автомашинаи мазкур бархӯрдаанд.
Дар натиҷа, ронанда аз уҳдаи идораи воситаи нақлиёт набаромада, ба ҷарии 150-метр чаппа шуда, дар ҷойи ҳодиса ба ҳалокат расидааст.
