Зимни як амалиёти махсуси бузургимиқёс дар шаҳру вилояти Маскав кормандони мақомоти интизомии ин кишвар беш аз 25 нафарро ба гумони ифротгароӣ ва ҳаммаслакӣ ба террористон боздошт намуданд.
Хабаргузории РИА Новости дар ин робита менависад, амалиёт аз ҷониби се ниҳод – Хадамоти федералии амният, маркази «Э»-и ВКД Русия ва ҷангиёни Гвардияи миллии ин кишвар гузаронида шуда, тибқи маълумоти пешакӣ дар ҷараёни он 25 нафар дастгир шудаанд.
Гуфта мешавад, боздоштшудагон ба фаъолияти ифротгароӣ, ҳаммаслакӣ ба террористон ва гурӯҳҳои пинҳонии ваҳҳобиён дар Русия гумонбар дониста мешаванд. Ин ҷо доир ба як гурӯҳи муташаккили ҷинояткорон сухан меравад. Аз дигар ҷузъиёти амалиёт алҳол маълумот дода нашудааст.
