Президенти Тоҷикистон Эмомалӣ Раҳмон дар бораи аз вазифа озод шудани се нафар судяҳо фармон ба имзо расонид.
Бино ба иттилои хадамоти матбуоти сарвари давлат, муофиқи фармони перзидент Ғоибназар Амирхоҷа аз вазифаи раиси суди иқтисодии вилояти Хатлон ва Ҷумъазода Усмоналӣ Шариф аз вазифаи раиси суди шаҳри Истаравшани вилояти Суғд озод карда шудаанд.
Гуфта мешавад, Асрорзода Ҳакимҷон Тӯйчӣ бо сабаби расидан ба синни ниҳоии дар вазифаи судя будан аз вазифаи муовини раиси суди ноҳияи Ашти вилояти Суғд озод карда шавад.
Қобили зикр аст, ки ахири моҳи январ бо фармони сарвари давлат, раиси суди ноҳияи Нуробод Ғайбулло Мирзозода барои содир намудани кирдори пастзанандаи шаъну эътибори судя аз мансаб сабукдӯш гардида буд.
