Нимаи дуюми имрӯз президенти Русия Владимир Путин бо сафари дурӯзаи расмӣ ба Тоҷикистон ташриф меорад ва дар ин робита ҳаракати нақлиёт дар баъзе кӯчаҳо муваққатан манъ карда мешавад.
Бино ба маълумоти Раёсати БДА ВКД Тоҷикистон, имрӯз аз соати 13:00 то 15:00 ҳаракати воситаҳои нақлиёт дар кӯчаҳои А.Дониш, Айнӣ, хиёбони Рӯдакӣ то чорроҳаи кӯчаҳои Шоҳтемур ва Теҳрон, Шероз то хиёбони И.Сомонӣ, Шероз – И.Сомонӣ то чорроҳаи кӯчаҳои И.Сомонӣ – А.Сино муваққатан манъ карда мешавад.
Аз соати 17:30 то19:00 дар кӯчаи Шероз, хиёбони И.Сомонӣ ва кӯчаи Низомии Ганҷавӣ ва аз соати 19:30 то 20:30 аз хиёбони Исмоили Сомонӣ аз серроҳаи И.Сомонӣ – Рӯдакӣ то давродаври хиёбони И.Сомонӣ – А.Сино ҳаракати воситаҳои нақлиёт маҳдуд карда мешавад.
Рӯзи 28 феврал аз соати 10:00 то 12:30 ҳаракати воситаи нақлиёт аз кӯчаҳои Нурулло Ҳувайдуллоев то Низоми Ганҷавӣ, хиёбони И.Сомонӣ, аз хиёбони А.Сино, тавассути хиёбони Рӯдакӣ, кӯчаҳои Айнӣ, Аҳмади Дониш ва М.Мастонгулов то фурудгоҳи байналмилалии Душанбе маҳдуд карда мешавад.
Раёсати БДА аз шаҳрвандон, иштирокчиёни ҳаракат дар роҳ эҳтиромона хоҳиш мекунад, ки талаботи танзимгарони БДА ва Қоидаҳои ҳаракат дар роҳро риоя намуда, дар вақтҳои қайдгардида аз роҳҳои ҳамшафат истифода баранд.
