АНОНС
– Дар Душанбе ҳамоиши тиҷоратии соҳибкорону тоҷирони Тоҷикистону Ӯзбекистон доир мегардад;
– Дар майдони 800-солагии Маскав (назди Театри опера ва балет) Рӯзи байнулмилалии мусиқӣ ҷашн гирифта мешавад. Оғоз соати 17:00;
– Донишгоҳи федералии шимолӣ (Арктикӣ)-и ба номи М.В.Ломоносов (ш.Архангелск) довталабонро ба маросими муаррифӣ ва тестгузаронии аайёр аз 20 то 23 июни соли 2017 даъват мекунад. . Макони баргузории тест: ш.Душанбе, кӯч. Мирзо Турсунзода, 28 (Маркази илму фарҳанги Русия).
ҚУРБИ АСЪОР
Қурби асъор нисбат ба сомонӣ (асъори миллии Тоҷикистон), ки Бонки миллии ҷумҳурӣ ба ин сана муқаррар кардааст:
1 доллари ИМА – 8.8200 сомонӣ;
1 евро – 9.8396 сомонӣ;
1 рубли русӣ – 0.1468 сомонӣ.
ЯК РӮЗИ ТАЪРИХ
1992 – Дар ноҳияҳои Вахш ва Бохтари вилояти Қӯрғонтеппа задухӯрдҳои нахустини мусаллаҳона сурат гирифтанд, ки ба оғози ҷанги шаҳрвандӣ дар Тоҷикистон замина гузоштанд.
2012 — Дар вилояти Ботканди Қирғизистон, ки бо Тоҷикистон ҳаммарз аст, 16 нафар шаҳрвандони Тоҷикистони машғули савдо дар бозори «Равоти кабуд» гаравгон гирифта шуданд.
2016 — Президенти Тоҷикистон Эмомалӣ Раҳмон ба фаъолияти нахустин гипермаркети «Ашан» дар Осиёи Марказӣ ҳусни оғоз бахшид.
1902-1985 – Зодрӯзи рассом, Арбоби шоистаи фарҳанги Тоҷикистон Юсуф Рауфӣ.
1932-1996 – Мавлуди доктори улуми тиббӣ, профессор Юсуф Исҳоқӣ.
1941-1999 – Зодрӯзи оҳангсоз Маҷнун Баротов.
1950 — Мавлуди рӯзноманигор Турко Дикаев.
1954 – Зодрӯзи журналист, сардабири рӯзномаи «ВиД» Баҳодур Зоҳиров.
ВАЗЪИ ОБУҲАВО
Дар вилояти Суғд — Обуҳавои тағйирёбанда, дар баъзе ноҳияҳои доманакӯҳ борони кӯтоҳмуддат, раъду барқ.
Ҳарорат: дар водиҳо шабона +21+26, рӯзона +36+41; дар доманакӯҳҳо шабона +6+11, рӯзона +21+26.
Дар вилояти Хатлон — Обуҳавои тағйирёбанда, бидуни боришот.
Ҳарорат: дар водиҳо шабона +20+25, рӯзона +38+43; дар доманакӯҳҳо шабона +15+20, рӯзона +31+36.
Дар Вилояти Мухтори Кӯҳистони Бадахшон — Обуҳавои тағйирёбанда, баъзан борони кӯтоҳмуддат меборад.
Ҳарорат: дар ғарб шабона +12+17, рӯзона +26+31; дар шарқ шабона 0+5, рӯзона +12+17.
Дар Ноҳияҳои тобеи марказ — Обуҳавои тағйирёбанда, дар баъзе ноҳияҳои доманакӯҳ борони кӯтоҳмуддат, раъду барқ.
Ҳарорат: дар водиҳо шабона +17+22, рӯзона +36+41; дар доманакӯҳҳо шабона +12+17, рӯзона +29+34.
Дар шаҳри Душанбе — Обуҳавои тағйирёбанда, бидуни боришот.
Ҳарорат: шабона +18+20, рӯзона +38+40.
Дар шаҳри Хуҷанд — Обуҳавои тағйирёбанда, бидуни боришот.
Ҳарорат: шабона +23+25, рӯзона +37+39.
Дар шаҳри Қӯрғонтеппа — Обуҳавои тағйирёбанда, бидуни боришот.
Ҳарорат: шабона +21+23, рӯзона +40+42.
Дар шаҳри Хоруғ — Обуҳавои тағйирёбанда, борони кӯтоҳмуддат меборад.
Ҳарорат: шабона +12+14, рӯзона +28+30.
