Вакилони парлумон моҳияти тағйиру иловаҳоеро, ки охири моҳи гузашта ба қонун дар бораи танзими анъана ва ҷашну маросимҳо ворид гардиданд, ба мардум шарҳ медиҳанд.
Тавре ба “Азия-Плюс” котиби матбуотии палатаи поёнии парлумони ҷумҳурӣ Муҳаммадато Султонов хабар дод, аз 10 то 20 сентябр вакилони Маҷлиси намояндагон бо интихобкунандагони худ дар минтақаҳо вохӯриҳо мегузаронанд.
Ба гуфтаи ӯ, раиси палатаи поёнии парлумон Шукурҷон Зуҳуров назди онҳо вазифа гузоштааст, ки моҳияти тағйиру иловаҳоро ба интихобкунандагон худ шарҳу тавзеҳ бидиҳанд.
“Дар минтақаҳо вакилон ҳамчунин бо вазъи иҷтимоиву иқтисодӣ ва мушкилоти ҷойдоштаи интихобкунандагон аз наздик шинос шуда, ба аҳолӣ доир ба фаъолияти парлумон ва ҷараёни амалисозии барномаҳои пешазинтихоботии худ маълумот медиҳанд”, – иброз дошт номбурда.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
