Дар доираи сафари корӣ ба Туркманистон Президенти Тоҷикистон Эмомалӣ Раҳмон бо сарони ҳамсоякишварҳои Ӯзбекистон Шавкат Мирзиёев ва Қазоқистон Нурсултон Назарбоев низ дидору гуфтушунид кард.
Бино ба иттилои хадамоти матбуоти сарвари давлат, Сарони давлатҳо аз вазъи ҳамкориҳои байнидавлатии дуҷониба ва бисерҷониба натиҷагирӣ карда, барои ба сатҳу сифати беҳтар расондани он омодагию ҳавасмандии худро таъкид доштанд.
Гуфта мешавад, субҳи имрӯз Сарвари давлати Тоҷикистон ҷиҳати иштирок дар кори Иҷлосияи 72-юми Ассамблеяи Генералии Созмони Милали Муттаҳид аз шаҳри Ашқобод ба шаҳри Ню-Йорк сафар кард.
Иҷлосияи ҳамасолаи мақомоти асосии СММ аз 12 сентябр ба кор шурӯъ намуда, музокироти умумии сиёсӣ аз 19 сентябр оғоз мегарданд.
Дар Ню-Йорк Сарвари давлати Тоҷикистон Эмомалӣ Раҳмон дар Ассамблеяи Генералии СММ суханронӣ намуда, як қатор дидору гуфтушунидҳои дуҷониба низ анҷом медиҳад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
