Бо фармони Президенти Тоҷикистон Эмомалӣ Раҳмон раиси суди ноҳияи Рашт Розиқзода Хуршед Андалиб аз вазифааш озод карда шуд.
Бино ба иттилои хадамоти матбуоти сарвари давлат, дар фармон зикр мешавад, ки ваколати раиси суди ноҳияи Рашт Розиқзода Хуршед Андалиб бинобар вафоташ қатъ карда шавад.
Гуфта мешавад, ин фармон мутобиқи моддаи 69 Конститутсияи Ҷумҳурии Тоҷикистон содир шудааст.
Қобили зикр аст, ки Розиқзода Хуршед Андалиб бо фармони Сарвари давлат санаи 11 январи соли гузашта ба ин мансаб таъин шуда буд.
