Автобуси идона бо гулу туҳфаҳо имрӯз дар арафаи ҷашни Рӯзи модар дар яке аз хатсайрҳои марказии пойтахт равуо мекунад.
Дар остонаи ҷашни Рӯзи модар гурӯҳи расонаҳои «Азия-Плюс» дар ҳамдастӣ бо ширкати «Оби зулол» аксияи «Модарони Душанбе»-ро роҳандозӣ мекунанд.
Автобуси бепул дар яке аз хатсайрҳои марказии пойтахт – хиёбони Рӯдакӣ (автобуси хатсайри №3) равуо намуда, ҳамаи занони хоҳишмандро бепул то ҷойи зарруриашон бурда мерасонад.
ИЗОБРАЖЕНИЕ
Автобуси мо хеле ҷолиб зебу зинат дода шуда, шумо онро ба зудӣ пайдо мекунед. Ҳар зани хоҳишманд метавонад ба он савор шавад: ӯро туҳфа, ҳодисаҳои аҷибу ногаҳонӣ ва табъи болида интизор аст.
ИЗОБРАЖЕНИЕ
Ғайр аз ин, ба ҳар кадоме аз иштирокчиёни ин аксия рақами махсусе дода мешавад, ки ба воситаи он нимаи дуюми имрӯз дар барномаи пахши мустақими радиои «Азия-Плюс» дар мавҷи 107 FM туҳфаҳои ҷолибу арзишманд ба бозӣ гузошта мешаванд.
Чорабинии мазкур бо дастгирии дастгоҳи мақомоти шаҳрдории Душанбе гузаронида мешавад. Сарпарастони кулли аксияи «Модарони Душанбе» – ширкатҳои «Оби Зулол» ва «RC cola»; сарпарастони расмӣ – «Бонки байналмилалии Тоҷикистон»», ширкати алоқаи Tсell, фабрикаи қаннодии «555» ва ширкати Huawei; шарикони аксия – Маркази зебоишиносӣ ва ороишоти занон (Центр эстетической гинекологии и косметологии) мебошанд.
