Имрӯз дар ҷумҳурӣ ҳарорат то 43 дараҷа гармӣ расид. Ин ба воридшавии обуҳавои гарму хушки эронӣ марбут аст, изҳор мекунанд обуҳавошиносон.
Қаблан Агентии обуҳавошиносии Тоҷикистон хабар дод, ки обуҳавои гарми эронӣ рӯзҳои 8-10 июл аз қаламрави Туркманистон, Ӯзбекистон ва шимоли Афғонистон ба Тоҷикистон ворид мешавад.
Имрӯз ҳарорат дар Душанбе – 41, вилоятҳои Суғду Хатлон – 43 ва Вилояти Мухтори Кӯҳистони Бадахшон – 31 дараҷа гарм мешавад.
Бино ба маълумоти обуҳавошиносон, рӯзи 9 июл гармтарин рӯзи ин тобистон шуморида мешавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
