Дар арафаи Рӯзи Модар автобуси идона бо гулҳо ва туҳфаҳо дар яке аз хатсайрҳои марказии пойтахт ҳаракат мекунад.
Дар арафаиҷашни Рузи Модар гуруҳи расонаҳои “Азия-Плюс” якҷо бо ширкати “Оби Зулол” ва бо дастгирии шаҳрдории Душанбе аксияи “Модарони Душанбе”-ро роҳандозӣ менамояд.
Автобуси идона дар кӯчаи марказии пойтахт – хиёбони Рӯдакӣ ҳаракат намуда, намояндагони ҷинси латифи Душанберо ройгон интиқол медиҳад.
Ҳар зан метавонад ба он савор шавад. Дар роҳ ӯро туҳфаҳои ҷолиб – табрикоти ровиёни машҳури Радиои “Азия-Плюс”, туҳфаҳо, суруд ва руҳи болида интизор аст.
Ғайр аз ин, ҳар як иштирокчӣ рақами махсус мегирад, ки қисмати дуюми рӯз, ҳангоми баргузории бозӣ барои дастрас намудани туҳфаҳо, дар барномаи мустақими Радиои “Азия-Плюс” дар мавҷи 107 FM истифода мешавад.
Чорабинии мазкур бо дастгирии шаҳрдории Душанбе баргузор мегардад. Шарики генералии аксия – бузургтарин истеҳсолкунандаи оби нӯшокӣ дар кишвар – ширкати “Оби Зулол” ва ташғаи шинохтаи он «RC-cola», шарики расмӣ – ҶСП “Ташкилоти амонатии қарзии хурд ИМОН ИНТЕРНЕШНЛ”, шарикони аксия – фабрикаи қаннодии “555”, мағозаи техникаи “Синон” мебошанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
