Рӯзҳои 28-31 июл дар қаламрави Тоҷикистон бо сабаби воридшавии ҳавои гарми Эрон тавассути қаламрави Туркманистон ва Ӯзбекистон, ҳарорати рӯзонаи ҳаво дар ноҳияҳои шимолӣ ва марказӣ баланд шуда то 40-430 гарм, дар ноҳияҳои ҷанубӣ то 43-45 дараҷа гарм мешавад.
Бино ба огоҳии Агентии обуҳавошиносии Тоҷикистон, дар ноҳияҳои кӯҳӣ то 32-37 дараҷа ва дар ноҳияи Дарвоз то 40 дараҷа гарм пешгӯӣ мешавад.
ИЗОБРАЖЕНИЕ
Гуфта мешавад, бо сабаби баландшавии ҳарорати ҳаво дар рӯзҳои 28-31 июли соли ҷорӣ дар ноҳияҳои доманакӯҳӣ ва кӯҳии НТМ, вилояти Суғд ва ноҳияҳои ғарбии ВМКБ эҳтимолияти бавуҷудоии селҳои пиряхӣ дар назар аст.
Дар ин давра, дар дарёҳои Панҷ, Вахш, Зарафшон ва болооби онҳо баландшавии якуякбораи сатҳи об дар назар буда, эҳтимолияти шусташавии соҳилҳо дар назар аст.
Рӯзҳои шанбе ва якшанбе обуҳаво дар Душанбе камабру бебориш шуда, чангу ғубор мефарояд. Ҳарорат рӯзона 39-41 дараҷа гарм мешавад. Рӯзҳои 30-31 июл тибқи маълумоти обуҳавошиносон, гармии обуҳаво дар Душанбе то 43 дараҷа дар назар аст.
Агентии обуҳавошиносӣ ҳамчунин огоҳ мекунад, ки то санаи 28 июл обуҳавои шаҳри Душанбе серчангу ғубор хоҳад монд.
Ба сокинону меҳмонони пойтахт худдорӣ аз сайругашти тӯлонӣ ва муддати зиёд ҳузур доштан дар кӯча ва тавсия дода мешавад. Дар навбати аввал ин ба кӯдакон, занони ҳомиладор ва шахсони фишори хунашон баланд (гипертония) дахл дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
