То имрӯз 2014 нафар шаҳрвандоне, ки аз хориҷи кишвар ба Тоҷикистон омадаанд, дар беморхонаҳои сироятӣ ва осоишгоҳҳо дар карантин қарор доранд.
Тибқи иттилои Вазорати тандурустӣ ва ҳифзи иҷтимоии аҳолии ҶТ, аз 1-уми феврал то 8-уми апрели соли равон 7257 нафар дар беморхонаҳои сироятӣ ва осоишгоҳҳои мамлакат ба карантин фаро гирифта шуданд.
Аз ин шумора то санаи мазкур 5243 кас ба хонаҳояшон рухсат дода шуда, айни ҳол 2014 нафарашон дар беморхонаҳои сироятӣ ва осоишгоҳҳои мамлакат дар карантин қарор доранд.
Вазорати тандурустӣ ва ҳифзи иҷтимоии аҳолии ҶТ иттилоъ медиҳад, ки то имрӯз, 8-уми апрели соли равон дар Тоҷикистон сирояти коронавирус ба қайд гирифта нашудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
