Марди 55-сола дар шаҳри Панҷакент аз рашк завҷаи худро ба ҳалокат расонида, сипас даст ба худкушӣ задааст.
Тибқи иттилои ВКД, ҳодисаи мазкур 11-уми апрел, тахминан соати 04:00 дар ҷамоати деҳоти Рӯдакии шаҳри Панҷакент рух додааст.
Ин мард, ки пеш бо моддаи 212-и КҶ ҶТ (Вайрон кардани қоидаҳои ҳаракати роҳ ва истифодаи воситаҳои нақлиёт) суд шудааст, дар хонаи истиқоматиаш аз ҳиссиёти рашк бо корди хоҷагӣ 8 маротиба ба қафаси сина ва дигар узвҳои зани 41-солааш задааст.
Баъдан худро барои аз ҷавобгарии ҷиноятӣ дур кардан дар дохили манзилаш бо роҳи доркашӣ ба ҳалокат расонидааст.
Аз рӯйи ин ҳодиса тафтишот идома дорад.
