Дар қисми ҳарбии 45025-и Кумитаи ҳолатҳои фавқулода ва мудофиаи граждании назди ҳукумати Тоҷикистон дар қаламрави ноҳияи Бобоҷон Ғафурови вилояти Суғд маросими тантанавии савгандёдкунии наваскарони баҳори ҳамин сол ба хизмати ҳарбӣ даъватшуда доир гардид.
Дар ин маросим ҳайати шахсӣ ва сарбозону афсарони қисми низомӣ иштирок карданд. Бинобар вазъи марбут ба коронавирус волидон ба чорабинӣ даъват нашуданд.
Наваскаронро бо суханронии шодбошӣ сардори Раёсати Кумитаи ҳолатҳои фавқулода дар вилояти Суғд полковник Баҳром Додиёни табрику онҳоро чунин ҳидоят намуд:
“Имрӯз шумо савганд ёд карда, сарбозони Қувваҳои Мусаллаҳи Тоҷикистон мешавед. Хизмати ҳарбӣ қарзи муқаддаси ҳар як шаҳрванди вафодори ватан мебошад”.
Чорабинии мазкур бо гузашти низомӣ ва консерт хотима ёфт.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
