Қарзи умумии кредитии корхона ва ташкилотҳои Тоҷикистон то аввали нимсолаи ҳамин сол беш аз 53,3 млрд сомонӣ (5,2 млрд доллар)-ро ташкил медиҳад, хабар медиҳад Агентии омори назди президенти ҶТ.
Аз ҷумла, ҳудуди 20 млрд сомонии қарзҳо ба корхонаҳои сатҳи ҷумҳуриявӣ бо шумули “Барқи тоҷик”, “Тоҷик Эйр”, Фурудгоҳи байнулмилалии Душанбе, Роҳи оҳани Тоҷикистон, Ширкати алюминии тоҷик (ТАЛКО) рост меояд.
Вазни қиёсии корхона ташкилотҳои зиёновар аз шумори умумии онҳо ба ҳолати 1 июли соли равон ба 30,4% баробар аст.
Корхонаҳои зиёновар аз ҳама бештар дар соҳаи саноати коркард (20,6%) ва сохтмон (14,6%) ба қайд гирифта шудааст.
Ҳукумати Тоҷикистон ҳанӯз аввали соли гузашта ба Вазорати молия дастур дод, ки дар ҳамдастӣ бо дигар вазорату идораҳои ҷумҳурӣ баҳри кам кардани қарзҳои корхонаҳои бузурги давлатӣ чораҳои таъхирнопазир андешад.
Байни корхонаҳои бузург қарзи ширкати “Барқи тоҷик” нисбатан зиёдтар аст, ки ба аввали нимсолаи дуюм 29,5 млрд сомонӣ (зиёда аз 2,9 млрд доллар)-ро ташкил медиҳад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
