Шумори умумии сироятёфтагон аз коронавирус дар Тоҷикистон то субҳи рӯзи 16 ноябр 11 ҳазору 610 нафарро ташкил медиҳад.
Тавре Вазорати тандурустӣ ва ҳифзи иҷтимоии аҳолии ҷумҳурӣ хабар медиҳад, давоми рӯзҳои истироҳати гузашта дар Тоҷикистон 76 ҳодисаи нави бемории COVID-19 ошкор шудааст.
Гуфта мешавад, дар ин давра теъдоди фавтидагон аз коронавирус дар ҷумҳурӣ тағйир наёфта, аз оғози пандемия 85 нафар боқӣ монд.
Ба иттилои манбаъ,шумори шифоёфтагон 79 кас афзуда, акнун теъдоди умумии онҳо 10 ҳазору 973 нафар ё худ 94,5%-ро ташкил медиҳад.
Тибқи маълумоти Донишгоҳи Хопкинс, то субҳи 16 ноябр дар саросари дунё аз коронавирус 1 316 623 нафар фавтида, вирус дар 54 335 914 кас ошкор шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
