12 ҷудокори тоҷик барои ширкат дар мусобиқаи “Baku Grand Slam 2024” ба шаҳри Бокуи Озарбойҷон сафар мекунанд. Дар ин бора Федератсияи байналмилалии ҷудо хабар медиҳад.
Ба гуфтаи манбаъ, дар ин мусобиқа аз 64 кишвари дунё 450 ҷудокор ширкат меварзанд.
Тоҷикистонро дар “Baku Grand Slam 2024” 8 ҷудокори мард ва 4 ҷудокори зан муаррифӣ менамоянд.
Мардон – Муҳаммадсолеҳ Қуватов, Шеров Абубакр, Илҳомиддин Ҷабборов, Раҷабов Умедҷон, Кишваров Сомон, Ҷаҳонгир Маҷидов, Раҳмон Мансур ва Шакармамад Мирмамадов.
Занон – Карчиева Шукрона, Муминова Аҳлия, Гулбоева Фазилат, Одинаева Мавлуда.
Мусобиқа рӯзҳои 16-18-уми феврал дар шаҳри Бокуи Озарбойҷон доир шуда, ғолибонро ҳам ҷоизаи пулӣ ва ҳам холҳои олимпӣ интизор аст: маблағи умумии мукофотҳо 154 ҳазор евроро ташкил медиҳад.
