Эмомалӣ Раҳмон, раисҷумҳури Тоҷикистон пас аз сафари корӣ ба вилояти Хатлон, рӯзи 7-уми сентябр бо сафари корӣ ба вилояти Суғд меравад ва ин сафар то 10-уми сентбяр идома меёбад.
Раёсати Бозрасии давлатии автомобилии вилояти Суғд (БДА) бо нашри як эълон гуфтаст, ки дар пайи сафари кори меҳмонони олиқадр ба шаҳрҳои ноҳияҳои вилояти Суғд ва баргузории ҷашни 33-солагии Истиқлолияти давлатии Ҷумҳурии Тоҷикистон таъмини ҳаракат дар бархе роҳҳои вилоят муввақатан қатъ мешавад.
Ҳамин тавр, тибқи иттилои манбаъ:
– рӯзи 7-уми сентябри соли 2024, кӯчаҳои "Хувайдуллоев", "Бобоҷон Ғафуров", "Гагарин" ва "Исмоили Сомонӣ"-и шаҳри Бӯстон, роҳҳои автомобилгарди "Хуҷанд-Ғафуров" ва кӯчаи марказии шаҳри Сардараву ва кӯчаи "Истиқлол"-и шаҳри Гулистон;
– рӯзи 8-уми сентябри соли 2024, роҳҳои автомобилгарди "Булоқ-Понғон", ҳудуди роҳҳои марказии ҷамоатҳои "Шодоба", "Ошоба" ва "Алпон"-и ноҳияи Ашт;
ИЗОБРАЖЕНИЕ
– рӯзи 9-уми сентябри соли 2024, кӯчаи "Истиқлол"-и шаҳри Гулистон, роҳҳои автомобилгарди "Хуҷанд-Ғафуров", кӯчаҳои "Исмоили Сомонӣ" ва "Камоли Хуҷандӣ"-и шаҳри Хуҷанд, кӯчаи "Ёва"-и ҷамоати Ёва ва пули "Истиқлол" (Ҷигатой) ноҳияи Бобоҷон Ғафуров, чорраҳаи маҳаллаи Сарсук, кӯчаҳои "Рифат Ҳоҷиев", "Шимкент" ва "25-солагии Истиқлолият"-и шаҳри Хуҷанд;
– рӯзи 10-уми сентябри соли 2024, роҳҳои автомобилгарди "Конибодом-Деҳмой", ҳудуди деҳаи "Кучкак", кӯчаи "М Турсунзода"-и деҳаи "Исмоили Сомонӣ", кӯчаҳои "Камоли Хуҷандӣ", "Исмоили Сомонӣ", "Содир Кобилов", "Маданият" ва "Айнӣ"-и шаҳри Конибодом.
баста мешавад.
Давомнокӣ ва соати баста шудани роҳҳо гуфта нашудааст.
БДА аз шаҳрвандон ва ронандагони воситаҳои нақлиёт хоҳиш кардааст, ки ҳаркарти худро тариқи кӯчаҳои ҳамшафати ин роҳҳо идома диҳанд.
Ёдовар мешавем, ки Эмомалӣ Раҳмон, ки ҳоло дар сафари корӣ дар вилояти Хатлон қарор дорад, дар чорабиниҳои фарҳангии Рӯзи Истиқлоли Тоҷикистон, ки дар Суғд мегузарад ширкат хоҳад кард.
Ҳамчунин, бо иштироки ӯ як қатор биноҳои маъмуриву хидматӣ ва корхонаҳои саноативу истеҳсолӣ ба истифода дода мешаванд.
