Дар Ҷоми ҷаҳонии самбо, ки рӯзҳои 20-21-уми сентябр дар шаҳри Душанбе баргузор шуд, мунтахаби Тоҷикистон 9 медал, 2 тилло, 3 нуқра ва 4 биринҷӣ ба даст овард. Дар ин мусобиқа Тоҷикистонро 15 варзишгар намояндагӣ карданд.
Дар рӯзи якуми мусобиқа паҳлавонони тоҷик аз намуди самбои варзишӣ се медал – як нуқра ва ду биринҷӣ ба даст овардаанд:
– Анӯшервон Назарзода, 58 кг (медил нуқра);
– Комроншоҳи Устопириён, 98 кг (медали биринҷӣ);
– Хуршед Маҷидзода, +98 кг (биринҷӣ).
ИЗОБРАЖЕНИЕ Анушервон Назарзода (якум аз рост)
Ҳамчунин, дар рӯзи дуввуми мусобиқа паҳлавонони тоҷик аз намуди самбои размӣ 6 медал гирифтанд:
– Фаридун Одилов дар вазни то 98 кг (мадали тилло);
– Халид Толибзода дар вазни то 88кг (мадали тилло)
– Ҷумахони Ҳусaйн дар вазни то 98 кг (медали нуқра);
– Мустафо Алибеков дар вазни то 88 кг (медали нуқра);
– Исфандиёр Холов дар вазни то 79 кг (медали биринҷӣ)
– Саймуҳаммад Исматзода дар вазни ҷамъи 98 кг (медали биринҷӣ).
Бояд гуфт, ки дар ин мусобиқа намояндагони 9 кишвар – Беларус, Булғористон, Маҷористон (Венгрия), Қазоқистон, Қирғизистона, Русия, Туркманистон, Ӯзбекистон ва Тоҷикистон ширкат варзиданд.
Мусобиқа аз рӯйи ду навъи самбо – варзишӣ ва размӣ баргузор шуда, дар 14 вазн ҷараён гирифт.
Имсол Ҷоми ҷаҳонии самбо дар якчанд марҳила баргузор мешавад. Даври аввали тобистон дар Ирвон – пойтахти Арманистон доир гардида, дар он низ самбочиёни тоҷик ду медал ба даст оврданд. Дар рақобатҳои самбои размӣ дар вазни 64 кг Беҳрӯз Ҳалимов қаҳрамон шуда, дар самбои варзишӣ Комроншоҳи Устопириён дар вазни 98 кг медали нуқра ба даст оварда буд.
