Душанбе. 4-уми феврал. ОИ «Азия-Плюс» – Доктор улуми иқтисодӣ, профессор Ҳоҷимуҳаммад Умаров бар чунин назар аст, ки бо мақсади дастгирии қурби асъори миллӣ Бонки миллии кишварро зарур аст, якчанд миллион доллари амрикоиро ба фурӯш барорад.

Ба ақидаи ӯ, бинобар коҳиши интиқоли маблағҳои муҳоҷирони меҳнатӣ ҳаҷми пули нақди доллари амрикоӣ кам шуд ва қурби он нисбат ба асъори миллӣ боло рафт. «Барои ба гунае дастгирӣ намудани нигаҳдории қурби асъори миллӣ, Бонки миллии Тоҷикистонро мебояд беш аз 2 млн. доллари амрикоиро ба фурӯш барорад», – гуфт ӯ.

Дар ҳамин ҳол, зимни шарҳи изҳороти раиси БМТ Шариф Раҳимзода оид ба коҳиши ҳаҷми гардиши сомонӣ ва аз муомилот гирифтани тақрибан 170 млн. сомонӣ, Ҳ.Умаров изҳор дошт, ки « чунин иқдом на он қадр тасмими хуб» буда, метавонад оқибатҳои ногувор, кам шудани дороӣ ва мавқуф гузоштани пардохтҳо миёни корхонаҳоро ба бор оварад.

Ба ақидаи коршиноси масоили иқтисодӣ, ҷиҳати нигаҳдории қурби сомонӣ ба мақомоти раҳбарии кишвар зарур аст, бахши истеҳсолоти маҳсулоти содиротиро афзун намояд ва барои муваффақ гаштан ба баробарии ҳаҷми воридоту содирот чораҳои муассир андешад.

Реклама на asia+

           

Душанбе. 4-уми феврал. ОИ «Азия-Плюс» – Мақолаҳои сарвари давлати Тоҷикистон таҳти унвони «Имоми Аъзам ва ҳувияти миллӣ» ва «Имоми Аъзам ва гуфтугӯи тамаддунҳо» дар маркази таваҷҷӯҳи васоити ахбори умуми як қатор кишварҳои мусулмонӣ қарор гирифтаанд.

           

Тавре аз департаменти иттилооти Вазорати умури хориҷии ҷумҳурӣ ба ОИ «Азия-Плюс» хабар доданд, дар таърихи 19-уми январ мақолаи сарвари давлат «Имоми Аъзам ва ҳувияти миллӣ» дар рӯзномаи «Ормони миллӣ»-и Афғонистон

 

нашр гардидааст.

           

Ёдрас мекунем, ки мақолаҳои зикргардидаи сарвари давлат дар рӯзномаҳои расмии Тоҷикистон ба табъ расида, дар сомонаи интернетии президенти Тоҷикистон –




www

.

prezident

.

tj






ҷой дода шудаанд.

Реклама на asia+

           

Душанбе. 4-уми феврал. ОИ «Азия-Плюс» – Имрӯз дар Донишгоҳи давлатии тиббии Тоҷикистон маросими муаррифиномаи идрорпулии ба номи Д.Менделеев баргузор мешавад, ки аз ҷониби Бунёди рушди Русия «Донишкадаи Таҳқиқоти Авруосиёӣ» таъсис дода шудааст.

           

Тавре аз намояндагии бунёди мазкур ба ОИ «Азия-Плюс» хабар доданд, идрорпулӣ бо мақсади ҳавасмандгардонии донишҷӯён барои фаъолияти аҳамияти иҷтимоидошта ва пажӯҳиши илмиву тадқиқотӣ таъсис дода шуда, даҳ нафар донишҷӯи қобилиятнок ва аълохони макотиби олии пешқадами Тоҷикистон, ки дар ҳаёти ҷомеа фаъолона ширкат меварзанд, имкони соҳиб гаштан ба идрорпулии ба номи Менделеевро пайдо мекунанд.

Реклама на asia+

Душанбе. 4-уми феврал. ОИ «Азия-Плюс» – Дирӯз дар шаҳри Душанбе зимни мулоқоти раиси Палатаи савдо ва саноати ҷумҳурӣ Шариф Саид бо сафири Бритониёи Кабир дар Тоҷикистон Тревор Мур дурнамои ҳамкориҳои иқтисодиву тиҷоратии Тоҷикистону Бритониё баррасӣ шуд.

Тавре ба ОИ «Азия-Плюс» аз палатаи мазкур хабар доданд, дар мулоқот зикр гардидааст, ки бо вуҷуди дурнамои хуби мавҷудаи густариши ҳамкориҳо, имконоти мавҷуда ба қадри кофӣ истифода бурда намешавад. «Ҷонибҳо роҳандозии ҳамкориҳоро дар самти таъсиси корхонаҳои муштарак, баргузории намоишгоҳҳо, ҳамоишҳои тиҷоратӣ ва ғайра таъкид сохтанд», – гуфт манбаъ.

Ба иттилои сарчашма, дар ҷараёни мулоқот сафири Бритониё ба имконоти роҳандозии ҳамкориҳои дуҷониба дар бахши гидроэнергетика ва саноати кӯҳкорӣ таваҷҷӯҳ зоҳир сохтааст. «Бо назардошти сатҳи баланди таълиму донишандӯзӣ дар Бритониё, ҳамчунин масъалаи тайёр кардани кадрҳо барои Тоҷикистон дар ин кишвар низ муҳокима шуданд», – афзуд сарчашма.

Реклама на asia+

Душанбе. 4-уми феврал. ОИ «Азия-Плюс» – Соли равон Раёсати Агентии ҳифзи иҷтимоӣ, шуғли аҳолӣ ва муҳоҷирати шаҳри Душанбе ният дорад 16 ярмаркаи ҷойҳои кории холӣ баргузор созад.

Тавре муовини сардори раёсат Сафаралӣ Ҳакимов ба ОИ «Азия-Плюс» хабар дод, шурӯъ аз соли равон дар пойтахт аллакай ду ярмаркаи ҷойҳои кории холӣ доир гардида, дар ярмаркаи ахир 125 корхона ва муассисаи пойтахт ба шаҳрвандон 6 ҳазору 530 ҷойҳои кории холӣ пешниҳод сохтанд, ки музди меҳнат дар онҳо аз 150 то 600 сомониро ташкил медод.

Аз ярмаркаҳо 11 ҳазор нафар шаҳрвандон боздид карда, 1 ҳазору 284 нафар барои худ ҷойҳои корӣ пайдо намуданд. «Миёни корҷӯён бисёр шаҳрвандоне ҳузур доштанд, ки аз муҳоҷирати меҳнатӣ баргашта буданд ва аксари онҳо дар соҳаи сохтмон, ки музди меҳнат дар он 600 сомониро ташкил медиҳад, бо ҷойҳои кори таъмин гардиданд», – гуфт ӯ.

Ба гуфтаи С.Ҳакимов, 634 нафар сокинони Душанбе ҷиҳати омӯзиши касб ба курсҳои кӯтоҳмуддат роҳхат гирифта, 131 нафар ба муҳоҷирати меҳнатӣ ба хориҷи кишвар сафарбар шуд.

Реклама на asia+

Душанбе. 4-уми феврал. ОИ «Азия-Плюс» – Дар Тоҷикистон қурби доллар нисбат ба асъори миллӣ боз босуръат боло рафт. Шоми дирӯз дар нуқтаҳои мубодилаи асъор арзиши 1 доллари амрикоӣ ба 3,90 сомонӣ расид ва ин дар ҳолест, ки субҳ нархи он ба ҳисоби миёна 3,75 – 3,77 сомониро ташкил медод.

Тавре аз ҶСК «Агроинвестбонк» ба ОИ «Азия-Плюс» хабар доданд, субҳи дирӯз қурби доллар дар нуқтаҳои мубодилаи асъори ин бонк барои хариди 1 $ 3,75 сомонӣ ва фурӯши он 3,77 муқаррар шуда, соати 11-и рӯз қурби он мутаносибан аллакай то 3,80

 

ва 3,82 сомонӣ расид. «Феълан 1 $ дар нуқтаҳои мубодилаи асъори «Агроинвестбонк» бо арзиши 3,86 сомонӣ харида шуда, бо нархи 3,88 сомонӣ фурӯхта мешавад», – хабар доданд аз бонк.

Аз ҶСК «Бонки рушди Тоҷикистон» иттилоъ доданд, ки қаблан қурби доллари амрикоӣ дар нуқтаҳои мубодилаи асъори ин бонк 3,78 сомониро ташкил медод, вале дирӯз он аллакай то 3,88 сомонӣ афзудааст.

Дар ҳамин ҳол, тибқи иттилои сарчашма аз ҶСК «Тоҷиксодиротбонк», рӯзи пешин ва дирӯз дар 33 нуқтаи мубодилаи асъори ин бонк арзиши доллар дар як мизон нигоҳ дошта шуда, дар ин рӯзҳо нархи хариди он 3,78 ва фурӯши он 3,80 сомониро ташкил додааст. Бонки миллии Тоҷикистон рӯзи 3-юми феврал қурби 1 доллари амрикоиро 3,68 сомонӣ муқаррар кардааст.

Реклама на asia+

Душанбе. 3-юми феврал. ОИ «Азия-Плюс» – Раиси Ҳизби наҳзати исломии Тоҷикистон, намояндаи парлумони ҷумҳурӣ Муҳиддин Кабирӣ мӯътақид аст, ки сафар ба Маскав ва иштирок дар

 

ҷаласаҳои Созмони аҳдномаи амнияти дастаҷамъӣ ва Иттиҳоди иқтисодии АвруОсиё барои ҳайати Тоҷикистон осон нахоҳад буд.

Дар мавриди вақтҳои ахир ба сардӣ гаравидани муносибати Русияву Тоҷикистон М.Кабирӣ мегӯяд, ҷонибҳоро лозим аст ба изҳороти Медведев дар Тошканд ва нотаи эътирозии Вазорати умури хориҷии Тоҷимкистон таваҷҷӯҳи хос зоҳир насозанд. «Ба ҳайати Тоҷикистон аз ҳарвақта дида маҳз дар ҳамин давра дурандешиву ботамкинӣ зарур аст ва дар ҳамин ҳол, ҷонибҳоро мебояд дар пасманзари дигар муносиботи тарафайн ва самтҳои афзалиятноки ҳамкориҳои минбаъдаро дар чаҳорчӯбаи СААД ва ЕврАзЭС мушаххас созанд», – гуфт М.Кабирӣ ва афзуд, ки ба ақидаи ӯ, чунин тарзи муносибат минбаъд ба вазъи мавҷудаи душвор нуқта хоҳад гузошт, зеро «ҳам Русия ва ҳам Тоҷикистон ба ҳамдигар ниёз доранд».

Раиси ҲНИТ таъкид месозад, ки ҳайати Тоҷикистонро зарур аст, тариқи гуфтушунид мавқеи ниҳоии Маскавро оид ба муносибат ба лоиҳаҳои афзалиятнок ва ҳаётан муҳими Тоҷикистон муайян намояд.

Реклама на asia+

           

Душанбе. 3-юми феврал. ОИ «Азия-Плюс» – Коршиноси масоили сиёсӣ Рашид Ғанӣ Абдулло бар чунин назар аст, ки қарори президенти Тоҷикистон дар бораи даст кашидан аз мулоқот бо президенти Русия ва ширкат варзидан дар нишастҳои СААД ва ЕврАзЭС «хусусияти техникӣ» надошта, ба изҳороти Медведев дар Тошканд марбут аст.

           

Дар мавриди шарҳи моҳияти чунин иқдоми сиёсии Душанбе коршинос зикр кард, ки ин баръало возеҳ аст, зеро он замонаҳое, ки метавонистанд бо ҷумҳурӣ бидуни назардошти манфиатҳояш муносибат кунанду ба ваъдаи додаашон вафо накунанд, гузаштааст. «Ҷаҳон тағйир ёфта, мақоми Тоҷикистон низ дар он дигар шудааст ва имрӯз Тоҷикистон натанҳо бо Русия муносибати шариконаи стратегӣ дорад, балки муносибатҳои кишваррро бо Чин, ИМА ва Эрон низ метавон чунин арзёбӣ намуд», – гуфт ӯ. – Аврупо низ хостори он аст, ки бо Тоҷикистон дар чунин сатҳ муносибатҳояшро барқарор созад».

           

Рашид Ғанӣ Абдулло таъкид сохт, ки дурнамои ҳамкориҳои Тоҷикистону Русия ба то кадом андоза ба эътибор гирифтани манфиатҳои қонунии ҷумҳурӣ аз ҷониби Русия вобаста хоҳад буд ва дар муддати даврони пасошӯравӣ дар муносиботи дуҷониба мушкилоти ҷиддие пеш наомада буд.

Реклама на asia+