Душанбе. 15-уми декабр. ОИ «Азия-Плюс» – Агентии консулгарии Швейтсария дар шаҳри Душанбе қабули дархост барои гирифтани раводиди сафар ба ин кишварро қатъ менамояд.

           

Тавре корманди масъули алоқа ва коммуникатсияи Идораи Швейтсария оид ба ҳамкорӣ ва рушд Гулноза Ҳасанова ба ОИ «Азия-Плюс» хабар дод, қабули қарори мазкур ба воридшавии Швейтсария ба минтақаи Шенген марбут аст. «Акнун тоҷикистониёнро лозим аст, барои гирифтани раводиди сафари Швейтсария ба Консулгарии генералӣ дар Алмаато муроҷиат кунанд», – гуфт ӯ.

           

Ба гуфтаи Г.Ҳасанова, шурӯъ аз 15-уми декабри соли ҷорӣ Швейтсария ҳамаи тартиботу қоидаҳои ҷории минтақаи Шенген, аз ҷумла раводиди Шенгенро низ мавриди истифода қарор медиҳад.

Реклама на asia+

           

Душанбе. 16-уми декабр. ОИ «Азия-Плюс» – Комиссияи Аврупо барои рушди соҳибкории хурду миёна дар Тоҷикистон беш аз 423 ҳазор евро ҷудо кард.

           

Тавре аз Намояндагии комиссия дар ҷумҳурӣ ба ОИ «Азия-Плюс» хабар доданд, лоиҳаи мазкур дар доираи Барномаи рушди ҷамоатҳои минтақаи кӯҳистони Бунёди Оғохон дар Тоҷикистон амалӣ гардида, ҳадаф аз он – таҳкиму густариши рушди иқтисодии соҳибкории хурду миёна тавассути иштироки ташкилотҳои пуштибон аз тиҷорат аст.

           

Ба иттилои манбаъ, татбиқи иқдомоти лоиҳа ба баланд бардоштани малака ва сатҳи салоҳиятнокии ташкилотҳои пуштибон аз тиҷорати Тоҷикистон нигаронида шуда, ба ҳамгиройӣ ва таҳкими ҳамкорӣ миёни корхонаҳои соҳибкории хурду миёнаи Аврупо ва Тоҷикистон мусоидат хоҳад кард.

Реклама на asia+

           




   

Кӯлоб. 16-уми декабр. ОИ «Азия-Плюс» – Дар деҳаи Лағмони ноҳияи Кӯлоб осиёбӣ обӣ бо иқтидори коркарди то 4 як тонна гандум дар як шабонарӯз ба кор даромад.

           

Тавре раиси ҷамоати Кӯлоби ноҳия Зайиддин Олимов ба ОИ «Азия-Плюс» хабар дод, аз ин осиёб 25 сол пештар ҳамагӣ 260 хонаводаи деҳаи Лағмон истифода мебурданду халос. «Акнун аз деҳаҳои дигари ҷамоат низ аҳолӣ барои истеҳсоли орд ба ин осиёб гандум меоранд», – гуфт ӯ.

           

Ба қавли З.Олимов, дар мавсими тирамоҳу зимистон ба иллати норасоии барқ имкони истифодаи ду осиёби барқӣ хеле кам мешавад. «Аз ин рӯ, зарур донистем, ки осиёби мазкурро аз нав барқарор сохта, иқтидори истеҳсолии онро зиёдтар намоем», – изҳор дошт раиси ҷамоат.

           

Номбурда афзуд, ки дар сохтмони осиёб саҳми иттиҳодияи ҷамъиятии «Наҷоти кӯдакон»-и шаҳри Кӯлоб назаррас аст.

Реклама на asia+

Душанбе. 15-уми декабр. ОИ «Азия-Плюс» – То ахири сол коҳиши нархи бензин дар Тоҷикистон идома хоҳад ёфт.

Тавре




аз




Вазорати




рушди




иқтисод




ва




савдои




ҷумҳурӣ




ба




ОИ



«



Азия


–


Плюс


»


хабар




доданд


,


арзиши




маводи




сӯзишворӣ




дар




кишварҳои




воридкунанда




ба




андозаи



50



ва




дар




Тоҷикистон


20


дарсад




коҳиш




ёфтааст


.

Ба




иттилои




манбаъ


,


мутахассисони




вазорат




дар




ҳамдастӣ




бо




агентии




стандартизатсия




ҷиҳати




танзими




бозори




фурӯши




маводи




сӯзишвории




кишвар




тадбирҳо




андешида


,


бо




таъминкунандагони




ин




мавод




гуфтушунид




кардаанд


.

Тибқи маълумоти Вазорати энергетика ва саноати ҷумҳурӣ, ҳудуди 80 дарсади таъмини кишвар бо маводи сӯзишворӣ ба ҶДДМ «Газпромнефт – Тоҷикистон», «ТоҷИрон» ва «Умед» рост меояд. «Маҳсулоти нафт асосан аз Русия (наздики 70 дарсад), Қазоқистон, Ӯзбекистон ва Туркманистон ворид карда мешавад», – афзуд манбаъ.

Реклама на asia+

           

Душанбе. 15-уми декабр. ОИ «Азия-Плюс» – Ояндаи наздик Эрон ба КВД «Роҳи оҳани Тоҷикистон» беш аз 300 адад вагони қатора иҷора медиҳад.

           

Тавре аз маркази матбуоти Вазорати нақлиёт ва коммуникатсияи ҷумҳурӣ ба ОИ «Азия-Плюс» хабар доданд, моҳи гузашта зимни имзои Ёддошт тафоҳум миёни вазоратҳои дахлдори кишварҳо, ширкати роҳи оҳани Эрон ҷиҳати ҷудо кардани 350 вагон тариқи иҷора ба Тоҷикистон омодагии худро изҳор намудааст. «Масъалаи ворид сохтани вагонҳо ба қаламрави ҷумҳурӣ бо Шӯрои нақлиёти роҳи оҳани ИДМ мувофиқа карда шудааст», – гуфт манбаъ.

           

Зикр гардид, ки дар семоҳаи аввали соли оянда баргузории Шӯрои ҳамоҳангсози лоиҳаи сохтмони роҳи оҳани Эрон-Афғонистон-Тоҷикистон бо иштироки намояндагони Чин дар назар аст. «Дар Шӯро инчунин баррасии масъалаи пайвастани ин роҳи оҳан бо шабакаи роҳи оҳани Чин тавассути Қирғизистон низ пешбинӣ гардидааст», – изҳор дошт сарчашма.

           

Манбаъ афзуд, ки ҷиҳати омӯзиши мутахассисони бахши роҳи оҳани тоҷик дар Эрон миёни давлатҳо тавофуқ ҳосил шудааст.

Реклама на asia+

           

Душанбе. 15-уми декабр. ОИ «Азия-Плюс»- Дар таърихи 19-уми декабр дар ноҳияи Восеъи вилояти Хатлон дар робита ба масъалаи пардохи қарз ва таъмини рушди устуори хоҷагиҳои пахтакори ҷумҳурӣ семинари иттилоотӣ баргузор мешавад.

           

Тавре аз Вазорати кошоварзии ҷумҳурӣ ба ОИ «Азия-Плюс» хабар доданд, чорабинӣ бо ташаббуси муассисаи давлатии «Маркази ҳалли қарзҳои хоҷагиҳои пахтакор ва рушди пахтакорӣ» созмон дода шуда, дар он оид ба ин масъалаи муҳим маърӯзаҳои директор марказ М.Шералиев ва номзади улуми кишоварзӣ Ш.Сафаров мавриди баррасӣ қарор хоҳанд гирифт. Ғайр аз ин, атрофи ин масъала пешниҳодҳои раҳбарони ҷамоат ва хоҷагиҳои ноҳияи Восеъ низ ба инобат гирифта хоҳанд шуд.

           

Дар кори семинар намояндагони Бонки ҷаҳонӣ, мақомоти раҳбарӣ ва коршиносони бахши пахтакории вилояти Хатлон ширкат хоҳанд варзид.

Реклама на asia+

Душанбе. 15-уми декабр. ОИ «Азия-Плюс» – Миёни Ӯзбекистону Тоҷикистон оид ба интиқоли гази табиӣ дар соли 2009

 

гуфтушунид оғоз гардид.

Тавре аз КВД «Тоҷикгаз» ба ОИ «Азия-Плюс» хабар доданд, бо ин мақсад ҳафтаи гузашта ҳайати Тоҷикистон таҳти раҳбарии директори генералии корхона Фатҳиддин Мӯҳсиддинов дар Тошканд қарор доштанд.

Бино ба иттилои манбаъ, соли равон Тоҷикистон ният дорад, аз кишвари ҳамсоя 550 млн. метри мукааб гази табиӣ харидорӣ намояд. Зикр гардид, ки то ҳанӯз ҳамтоҳои ӯзбекистонӣ нархи газро барои соли оянда муайян накардаанд.

«Дар ҷараёни гуфтушунид мо ҳайати Ӯзбекистонро ба он мутаваҷҷеҳ сохтем, ки арзиши маводи сӯзишворӣ дар ҷаҳон тамоили пастравӣ дорад ва тибқи пешгӯиҳо, соли 2009 низ ин раванд идома хоҳад ёфт, – гуфт манбаъ. – Аз ин рӯ,

 

аз Ӯзбекистон дархост карда шудааст, ки бо назардошти ин ҳолат онҳо низ арзиши газро коҳиш диҳанд».

 

Реклама на asia+

           

Душанбе. 15-уми декабр. ОИ «Азия-Плюс» – Дар вазорати молияи ҷумҳурӣ ҷиҳати беҳтар сохтани вазъи бозори молиявии кишвар ва дастгирии манфиатҳои сармоягузорон тадбирҳо андешида мешаванд.

           

Тавре муовини директори агентӣ оид ба рушди бозори коғазҳои қимтноки вазорат Ҷамшед Шерматов изҳор дошт, сабаби зуҳури бӯҳрони молиявӣ маҳз ба шикасти бозори коғазҳои қиматноки кишварҳори ғарб марбут аст. «Бозори коғазҳои қиматноки кишвар ба рушд ниёз дорад ва зарурати андешидани тадбирҳо аз он низ срчашма мегирад», – гуфт ӯ.

           

Ба гуфтаи ӯ, аз ҷониби вазорат самтҳои афзалиятноки фаъолият дар ин соҳа муайян карда шудаанд. «Аз ҷумла, ҷиҳати ҷалби захираҳои дохилӣ ба бозори бунёдӣ таҳияи лоиҳаи қонун дар бораи коғазҳои қиматноки ипотекӣ ва гувоҳномаҳои манзили зист дар назар аст», – афзуд Ҷ.Шерматов.

Реклама на asia+