Сафоратхонаи Эрон дар Тоҷикистон ба вилояти Суғд беш аз 1 ҳазор нусха китоб туҳфа кард.
Тавре ба ОИ «Азия-Плюс» намояндаи Кумитаи байнулмилалии имдоди Имом Хумайнӣ дар вилояти Суғд Фирдавс Ашӯрматов хабар дод, аз ин миқдор зиёда аз 300 нусха ба китобхонаи вилоятии ба номи Тошхоҷа Асирӣ тақдим гардида, 350-нусхагӣ ба факултаҳои забонҳои шарқ ва филологияи Донишгоҳи давлатии Хуҷандл супурда шудаанд.
«Соли гузашта низ сафорати Эрон ба китобхонаи ба номи Т.Асирӣ беш аз 3 ҳазор нусха китобу нашрияҳои нодиру хонданибоб туҳфа карда буд», – гуфт Ф.Ашӯрматов.
