Фурудгоҳи байнулмилалии Душанбе бо реҷаи муқаррарӣ фаъолият дорад.
Тавре ба ОИ «Азия-Плюс» сухангӯи фурудгоҳ Муҳаммадюсуф Шодиев хабар дод, сарфи назар аз обуҳавои номусоид, айни замон қабул ва парвози тамоми ҳавопаймоҳо дар фурудгоҳ идома дорад.
«Аммо боздошти парвози баъзе ҳавопаймоҳо ба иллати биноии бад боздошт шуд ва аз ин рӯ, чанде аз ҳавопаймоҳои хатсайрҳои байнулмилалиро, ки фурудгоҳи пойтахт қабул карда наметавонад, дар фурудгоҳи шаҳри Хуҷанд қабул мекунанд», – зикр кард сухангӯи ФБД.
Дар ҳамин ҳол, барфрезӣ ва шамоли шадид ба ҳаракати нақлиёти ҷамъиятӣ дар пойтахт монеъа эҷод насохт. Котиби матбуотии раиси шаҳри Душанбе Шавкат Саидов ба ОИ «Азия-Плюс» иттилоъ дод, ки субҳи имрӯз 74 адад мошинҳои тозакунии барф ба роҳҳо сафарбар шуда, шабонарӯзӣ фаъолият хоҳанд кард.
