Имрӯз дар Арманистон маъракаи интихоботи президентӣ доир мешавад.
Тавре ба ОИ «Азия-Плюс» аз Комиссияи марказии интихобот ва раъйпурсии Тоҷикистон иттилоъ доданд, намояндагони Тоҷикистон – раиси Кумита оид ба масоили аграрӣ ва экологии палатаи поёнии парлумони ҷумҳурӣ Саиди Ёқубзод, муовини раиси Комиссияи марказии интихобот ва раъйдиҳии Тоҷикистон Саидбой Зокиров ва узви ин комиссия Нурулло Маҳмадуллоев ба сифати нозирон дар ин маъракаи интихоботӣ ҳузур хоҳанд дошт.
Ба ҳайати маъмурияти нозирон аз кишварҳои ИДМ дар маъракаи интихоботи президенти Арманистон 212 нафар нозирон шомиланд.. Расонаҳои хабарии Арманистон иттилоъ медиҳанд, ки дар рӯзи интихобот ноззирони ИДМ дар ҳамаи 41 ҳавзаи интихоботӣ рафти интихоботро мавриди назорат қарор медиханд. Хулосаҳои худро дар мавриди натоиҷи назорат, маъмурият дар нишасти матбуоти, ки 19-уми феврал ба нақша гирифта шудааст, эълон медорад.
Ба ишғоли курсии сарвари давлати Арманистон 8 нафар номзадон сабти ном шудаанд. Тибқи назарсанҷиҳо, президенти амалкунандаи Арманистон Серж Саргсян метавонад аз 68,6 то 72%-и раъйи интихобкунандагонро ба даст орад.
