Душанбе. 24-уми сентябр. ОИ «Азия-Плюс» – Имрӯзҳо кишоварзони ҷумҳурӣ ҷамъоварӣ ва захира намудани зироатҳои полезиро давом медиҳанд. Соли ҷорӣ дар майдони 7890
гектар кишти зироатҳои полезӣ гузаронида шуд, ки
5589,6 гектар
ҷамъоварӣ карда шудааст, ки ин нисбати соли гузашта
211,6 гектар
зиёд мебошад. Тибқи нақша 121 ҳазору 621 тонна ҳосил ҷамъоварӣ карда шудааст, ки
96794,2 тонна ва ё 80 фоизи нақшаро ташкил медиҳад. Нисбати соли гузашта 9609,8 тонна зиёд мебошад. Ҳосилнокӣ бошад, 173 сентнериро ташкил дода, нисбати соли гузашта 11 сентнерӣ зиёд аст.
Дар корхонаҳои кишоварзӣ ва хоҷагиҳои деҳқонӣ (фермерӣ) тибқи маълумоти фаврӣ,
дар майдони
13214 гектар
кишти сабзавот гузаронида шудааст ва то имрӯз 7855,5
гектари он ҷамъоварӣ
шудааст, ки нисбати соли гузашта
750,2 гектар
зиёд аст. Нақшаи солонаи истеҳсоли сабзавот дар ҷумҳурӣ 328 ҳазору 620 тоннаро ташкил медиҳад, ки то имрӯз 140 ҳазору 446,2 тонна истеҳсол карда шудааст ва 43 фоизи иҷрои нақшаро ташкил медиҳад. Ҳосилнокӣ аз ҳар як гектар 179 сентнериро ташкил медиҳад, ки нисбати соли гузашта 11 сентнер зиёд мебошад. Дар ин бора аз маркази матбуоти Вазорати кишоварзии ҷумҳурӣ хабар доданд.
