– Анҷоми сохтмони зербино (инфраструктура)-и нақлиёт дар Тоҷикистон ба маблағи умумии 340 млн. доллари ИМА давоми соли равон дар назар аст, – гуфт зимни нишасти хабарӣ вазири нақлиёти ҷумҳурӣ Хайрулло Асозода.
Ба гуфти ӯ, дар соҳаи нақлиёти кишвар дар маҷмуъ имрӯз ба маблағи умумии 570 млн. доллари ИМА лоиҳаҳои сармоягузорӣ мавриди амал қарор дошта, соли гузашта дар ҳаҷми 172 млн. доллари ИМА чунин корҳо ба анҷом расидаанд.
«Соли 2013 аз рӯи 18 лоиҳаи сармоягузорӣ (ба маблагӣ умумии 850 млн. $) корҳои сохтмону барқароркунӣ анҷом дода шуданд. Дар нақби «Хатлон» (Чормағзак) ва «Шаҳристон», роҳи мошингарди Қӯрғонтеппа-Панҷи Поён (марҳилаи дуюм) ва бунёди пул аз болои дарёи Панҷ дар наздикии маҳаллаи аҳолинишини Шоҳони ноҳияи Шӯрообод корҳои сохтмонну барқароркунӣ пурра ба итмом расиданд», – гуфт вазир.
Дар идома Асозода зикр кард, ки соли гузашта дар маҷмуъ мутобиқи талаботи муосири муқаррашуда 18к километр роҳҳои мошингард бо 5 пул ва 9,7 километр нақбҳои автомобилгузар бунёд, азнавсозӣ ва мавриди истифода қарор гирифтанд.
