Рӯзи шанбеи ҳафтаи сипаришуда ташкилоти хайрияи «Дасти ёрӣ» дар ноҳияи Ғончии вилояти Суғд иқдоми хайрияи навбатиро роҳандозӣ намуд. Ин дафъа ба мактаби таҳсилоти миёнаи умумии деҳаи Ғазантараки ин ноҳия кумак расонида шуд.
Ташкилот ба муассисаи таълимӣ 75 адад комплекти мизи мактабӣ, 150 курсӣ барои синфҳои таълимӣ ва 10 адад ҷевон тақдим кард. Ҳамчунин ба 30 нафар толибилмон аз оилаҳои камбизоат лавозимоти канселярӣ ва асбоби хониш супурда шуда, маблағи умумии кумак 23 ҳазор сомониро ташкил дод.
То оғози соли нави хониш ташкилоти «Дасти ёрӣ» боз ба кӯдакистон дар ноҳияи Истаравшан кумак хоҳад кард.
